Name: ZH3 Hash #1087: The Hoodlum Hash
Location: Zeus Music Bar,  Löwenstrasse 9, 8953 Dietikon
Hares: Just Tobias and Slippery Digit
RA: Weapon of Ass Destruction
Attendance: 11 hashers
Scribe: Slippery Digit

Gopferdammi siech es isch chalt gsi, und denn hets no gschneeied obe druff! Nöd numme bim lege vu dem super hash, NEI es het denn no afange schneeie wommer alli am säckle gsi sind. Zum Glück hets nöd nur eine, aber zwei Profis am Start gha wo de Hash Organisiert hend. Naja, välicht hani da übertriebe, ein luute alte Haas, de Schlüpfrig Finger, und eh wahrechti Jungfräulichi Häsin, de Nur Tobias, hend sich i dem Wetter nach usse gwagt und en Pfad vorbereitet für die arme Hashers wo sich bis nach Dietikon, usserhalb vu de gwohnte Zone 110, hend müesse bewege.

De Nur Tobias het sich aber wahrhaft müeh gheh, durre richtig schöni Winter Landschaft hemmer eus bewegt, Brugge hets geh, Tannebäum, Flüss, wirkli s’ganze Packet. Irgendwennmal sind den au es paar wenige Hashers uftaucht, 10 insgesammt. 2 Dervo hend chei ahnig gha, ufgrund vu Ihrem Jungfräuliche Status, was mir da überhaupt mached. A de Arschzerstörigswaffe isch das aber egal gsi, de het sini Rolle als Religiöse Berater überhaupt nöd wahrgno. Wetter: Scheisse, Begrüessig vu de Jungfraue: Nid passiert, Chride Red initiiere? Chasch vergesse, de isch am Wii suufe gsi! Da simmer alli blöd da gstande und hend müesse warte bis er sin rotwii abgegutsched het bis mer mal hend chönne loslege …

Danach isches aber RUCKZUCK gange, die Läufer sind los gange, und d’Spaziergangrundi het sich gmüetlich uf de weg gmacht. D’Hockendi Töpfli, d’Füddliwurmerin und de Schlüppfrig Finger hend für en gmüetliche Lauf dur d’Winterlandschaft vu Dietlikon ufbroche, das mit Hund im Schlepp. Irgendwie hend die Läufer jedoch echli Startschwierigkeite gha, und d’Spaziergangrundi hets immer wieder ufghollt, fuhli Säck die…. Es isch denn so nach richtig Schwiizer Art, demokratisch entschiede worde, dass es Ziet isch zum eh heissi Schoggi trinke, teils will d’Füddliwurmerin bi de Stäge fascht gstorbe isch, mehrheitlich aber wills arsch chalt gsi isch. Also ab zrugg zur griechisch inspirierte bar, wo vu voll verzettlet gsi isch mit posters für en Porno Neujahresevent (de Chlamydia het denn spöter recht interessiert uf die Posters glueget).

Perfekt, het die truppe denkt. Nach de erschte heisse Schoggi mit Baileys isch denn aber doch eh Müehdigkeit erschinne, en Motivationsschub hets brucht. Bier Stop ufbaue! Genau wases brucht het. Zu Dritt isch die Truppe also usse gange und het sich der Arsch erneut abgfrohre. Es sind denn doch no die erste 2 Harretes erschienne, d’Nur Andrea und d’Nur Sophia (eh Jungfrau, chli, wie en Iiszapfe isch si zrugg gschliche). Sie hend de rest vum Pack verlohre und hend ufgeh. Natürlich entscheidig? Tee mit Rum! Namal 20 Minute sund vergange und die letzte armselige Hashers sind denn au no cho.

De Chreis isch eh chalti und schnelli Affäre gsi. D’Jungfraue Nur Scott (chunt definitiv wieder) und Nur Sophia (Die gsehmer nie meh…) hend Ihri Iiweihig gha. De Chlamydia het de armi Hund ufgruefe, und denn dörfe als Ersatz für Sie trinke. D’Arschzerstörigswaffe hets irgendwie gschafft sini Bestrafig für s’schlechte Wetter z’vermiede. Nur Tobias isch zälebriert worde für sind erste Pfad, hetter natürli dankend agno. Wie immer, het D’Arschzerstörigswaffe versuecht de chreis so lang wie möglich z’phalte mit sim Yogi Bär Lied, hemmer zum Glück chönne abchlemme und die ganz gschicht ich schnell zu endi cho mit de chürzischte Variante vu “Schwing Tüf” sit Jahre.

Rough translation: The trail was shit, the weather was shit, there was good alcohol, the circle was too long, Virgin Just Scott was cool, and other Virgin Just Sophia will not be returning.

Editor’s Note – If anyone can provide a clear translation, I will update the post. Think you can do better? Volunteer to do the next write-up. Please send a prayer for Just Sophia (who has already left the meetup group), Jägertee,  and Butt Assault Waffels to ZH3.com.